மனித மூளையின் அறிவுக்கூர்மையும் (Intelligence) கணினியின் செயற்கை அறிவுத்திறனும் (Knowledge Skill) --

 மனித மூளையின் அறிவுக்கூர்மையும் (Intelligence) கணினியின் செயற்கை அறிவுத்திறனும் (Knowledge Skill) --------------------------------------------------------------------------

// மணி மணிவண்ணன்:

"மனிதர்கள் வேறு எல்லையில் நிற்போம். படைப்பாற்றல் பன்மடங்கு பெருகும்.

செய்யறிவு அல்லது செயற்கை நுண்ணறிவு என்பது தரவுகளைத் திரட்டி அலசும் ஒரு கருவி மட்டுமே. அதற்குப் படைப்பாற்றல் இல்லை. மனிதர்களின் படைப்பாற்றலைப் போலப் பார்த்துச் செய்யும். தானாகப் புதிதாக எதையும் எண்ணவோ படைக்கவோ அதற்கு ஏதும் ஆற்றல் இல்லை. ஆறுமாதக் குழந்தையின் படைப்பாற்றல் கூட அதற்கில்லை. மனிதர்கள் இனி மாமனிதர்கள் ஆகப்போகிறோம்."//

ந. தெய்வ சுந்தரம்

--------------------------------------------------------------------

100 விழுக்காடு உண்மை. அறிவு (Knowledge), அறிவுத்திரட்டு (Accumulation of Knowledge) , தரவுத்தளம் (Database) - இவையெல்லாம் அறிவுக்கூர்மை (Intelligence)அல்லது படைப்பாற்றல் (Creativeness) என்பதிலிருந்து வேறுபட்டவை.

மனிதமூளையின் இந்த அறிவுக்கூர்மை அல்லது படைப்பாற்றல் என்பது பல்லாயிரக்கணக்கான அல்லது இலட்சக்கான ஆண்டுகளில் ஏற்பட்ட ஒரு உயிரியல் வளர்ச்சி (Biological Development). மனித மரபணுக்களில் புதைந்துள்ள (embedded in human genes) ஒரு திறன் (ability).

கணினியின் தற்போதைய இந்த ஊகிப்புத்திறனானது . . . அது பெற்ற அறிவுத்திரட்டலில் இருந்து . . . . அதிலிருந்து மட்டுமே ... சாத்தியப்பாடு அடிப்படையில் அமைந்துள்ள ஒன்றாகும்.

இன்றைய கணினி வளர்ச்சியில் கோடியே கோடி அனுபவங்களை ( அறிவுத்திரட்டுக்களை - past experiences) சேமித்துவைத்து, அதிலிருந்து Probability Statistics அடிப்படையில் ஒன்றை ஊகிக்கமுடிகிறது .

இந்த ஊகிப்பு ஒரு அனுமானமே (Probability prediction). ஆனால் மனித மூளையின் படைப்பாற்றல் அல்லது அறிவுக்கூர்மை இதிலிருந்து மாறுபட்டது.

இதுபற்றி மேலும் தெரிந்துகொள்ள Roger Penrose books -"The Emperor's New Mind (Concerning Computers, Minds, And The Laws of Physics)" "Shadows of the Mind (A search for the Missing Science of Consciousness )" போன்ற நூல்களைப் படிக்கலாம்.

மொழிதொடர்பான கணினியின் இந்த ஊகிப்புத்திறன்பற்றி மேலும் தெரிந்துகொள்ள , ''Probabilistic Linguistics" - Edited by Rens Bod, Jennifer Hay and Stefanie Jannedy , 2003, The MIT Press.