9:36 PM
ந.தெய்வ சுந்தரம்
தமிழ்த் தேசிய இனம் . . .
--------------------------------------------------------------------
முகநூலில் மற்றொரு கருத்தாடல் இழையில் நான் முன்வைத்த கருத்துக்களை இங்கு இணைக்கிறேன்.
1) தமிழர் என்பது ஒரு இனம் … தேசிய இனம். ஆனால் திராவிடம் என்பது ஒரு மொழிக்குடும்பத்தின் பெயர். இரண்டையும் ஒன்றாக வைத்துக் குழப்பிக் கொள்ளக்கூடாது.
3) மொழிக்குடும்பம் என்பது மொழியியல் சார்ந்த ஒரு கோட்பாடு. உறுதியாகத் திராவிட மொழிக் குடும்ப மொழிகளுக்கு இடையில் நெருங்கிய தொடர்பு உண்டு.
4) தமிழ்த் தேசிய இனத்தின் மொழி தமிழ்
5) தேசிய இனங்கள் இங்குத் தேசிய தன்னுரிமைப் போராட்டங்களைத் தொடங்கக் கூடாது என்பதற்காக ஆங்கிலேய ஏகாதிபத்தியம் திட்டமிட்டுத் தமிழ்த் தேசிய இனம் என்ற கருத்தைப் பின்தள்ளியது.
6) தமிழ்த் தேசிய இனம், தெலுங்குத் தேசிய இனம், கன்னடத் தேசிய இனம், மலையாளத் தேசிய இனம், இந்திய ஒன்றியத்தில் உள்ள பிற தேசிய இனங்கள் அனைத்தும் ஒன்றுபட்டு . . . தேசிய இனங்களின் தன்னுரிமைக்கான - மொழி, பண்பாடு, பொருளாதார ஒடுக்குமுறை, அரசியல் ஒடுக்குமுறை போன்ற உரிமைகளுக்கான - போராட்டங்களில் ஒன்றிணைந்து செயல்படவேண்டும்.
அதற்குக் காரணம் . . . இந்த அனைத்துத் தேசிய இனங்களின் பிரச்சனைகளுக்கும் காரணமானவர்கள் இந்திய ஆளும் வர்க்கத்தினரே. அதாவது பொது எதிரியே. எனவே இவை அனைத்தும் ஒன்றுபட்டுப் போராடும்போதுதான் வெற்றி பெறமுடியும். இதில் எந்தவித மாற்றுக்கருத்தும் எனக்கு இல்லை.
அதேவேளையில் தமிழ்த் தேசிய இனம் உட்பட அனைத்துத் தேசிய இனங்களும் தங்கள் தங்கள் தேசிய இனத்தின் தனித்தன்மையைத் தக்கவைக்கவும் போராடவும் செய்யவேண்டும்.
நாம் விரும்பினாலும் விரும்பாவிட்டாலும் இந்தத் தேசிய இனங்களிடையே சில சில முரண்பாடுகளும் மோதலும் நீடிக்கத்தான் செய்யும். குறிப்பாக, நதிநீர்ப் பங்கீடு , மேகதாது அணைக்கட்டு கட்டுவது போன்று பல சிக்கல்களும் நீடிக்கின்றன. இதை முன்னிலைப்படுத்தி, தேசிய இனங்களுக்கிடையே முரண்பாட்டைக் கூர்மைப்படுத்தி, அவற்றிற்கிடையே ஒற்றுமையைச் சீர்குலைக்க ஆளும் வர்க்கங்கள் முயலும், முயன்றுகொண்டிருக்கிறது என்பதில் ஐயம் இல்லை.
தேசிய இனங்களுக்கிடையேயான முரண்பாடு ஒரு பகைமையற்ற முரண்பாடாக இருக்கவேண்டும். எனவே பகைமையற்ற வழிமுறைகளே மேற்கொள்ளப்பட
வேண்டும். ஆனால் இவை அனைத்துக்கும் ஆளும் வர்க்கங்களுக்கும் இடையிலான முரண்பாடு ஒரு பகைமை முரண்பாடே ஆகும்.
0 கருத்துகள்:
கருத்துரையிடுக