"இசைவை உற்பத்தி செய்தல் (Manufacturing consent)"

 "இசைவை உற்பத்தி செய்தல் (Manufacturing consent)"

------------------------------------------------------------------------------------------------------------

உலகறிந்த மொழியியல் அறிஞர் நோம் சாம்ஸ்கி அவர்கள் தனது மற்றொரு நண்பருடன் இணைந்து ''Political Economy of Mass Media - Manufacturing Consent" என்ற ஒரு மிகச் சிறந்த நூலை உருவாக்கினார்.

இந்த நூலின் அடிப்படைக் கருத்து . . . இன்றைய ஊடகங்கள் எல்லாம் பன்னாட்டு நிறுவனங்களின் கைகளில்தான் நீடிக்கின்றன. இவற்றின் நோக்கமே . . . இந்தப் பன்னாட்டு நிறுவனங்களின் உற்பத்தி பொருள்களுக்கும் . . . இந்த நிறுவனங்களின் செயல்பாடுகளுக்கு ஆதரவாக உள்ள அரசியல் கட்சிகள், அரசியல் தலைவர்கள், ஆட்சியாளர்கள் போன்றவர்களுக்கும் ''சந்தை '' உருவாக்கிக் கொடுப்பதே ஆகும்!

ஒரு குறிப்பிட்ட பொருளைப்பற்றிப் பல வகைகளில் ''புகழ்ந்து பேசி'' ஆதரவு திரட்டுவது முதல் படி! இந்தப் ''பொருள்கள்'' என்பவை வெறும் பொருள்கள் மட்டுமல்ல, அரசியல் கருத்துக்கள், அரசியல் தலைவர்கள், அரசியல் கட்சிகள், ஆட்சிகள் போன்றவையும் அடங்கும்!

இந்த ஆதரவு திரட்டலின் ஒரு கட்டத்தில் . . . குறிப்பிட்ட பொருள் இல்லையென்றால், தங்கள் வாழ்க்கையே இல்லை . . . . அந்தப் பொருள் மிகவும் தேவையான ஒன்று என்ற ''மனநிலைக்கு'' மக்கள் தள்ளப்படுவார்கள்!

தமிழகத்தில் தற்போதைய தொலைக்காட்சிகள், அலைபேசிகள் , ஆங்கில வழிக்கல்வி ஆகியவை எல்லாம் அடங்கும்.

அதாவது, பன்னாட்டு நிறுவனங்களும் அவற்றின் ஆதரவு ஆட்சியாளர்களும் . . . . முதலிலேயே ஒரு பொருளை உற்பத்திசெய்து விற்பதைவிட . . . அப்பொருளுக்கான ''சந்தையை'' . . . அப்பொருளின் விற்பனைக்குத் தேவையான ''மக்களின் வரவேற்பை . . . இசைவை'' முதலில் ''உற்பத்தி'' செய்வார்கள்! அதன்பின்னர் அந்தப் பொருளின் விற்பனைக்குச் சிக்கலே இல்லை! அந்த நிறுவனங்களே வந்து, ''இந்தப் பொருள் வேண்டாம்'' என்றாலும் , மக்கள் அதை ஏற்றுக்கொள்ளமாட்டார்கள்!

(அப்படித்தான் ஆங்கிலவழிக் கல்வியைக் கொண்டுவந்த ஆட்சியாளர்களே . . . இன்று தமிழ்வழிக் கல்வியைக் கொண்டுவருகிறோம்'' என்று சொன்னாலும், ''தமிழ் உணர்வுள்ள'' தமிழ் மக்கள் அதை ஏற்றுக்கொள்ளத் தயார் இல்லை!)

இந்தக் ''கருத்து இசைவை'' உருவாக்குவதில்தான் தமிழகத்தில் இன்றைய ஊடகங்கள் எல்லாம் மிகத் தீவிரமாக இருக்கின்றன. அதுவும் தற்போது இணையம் வந்தபிறகு . . . யூடியூப் வந்தபிறகு . . . கேட்கவே வேண்டாம்! ''ஊடகவியலாளர்கள்'' குவிகிறார்கள்! டெல்லியிலிருந்தும் ஊடகவியலாளர்! குக்கிராமத்திலிருந்தும் ஊடகவியலாளர்!

நிமிடத்திற்கு நிமிடம் . . . பரபரப்புச் செய்திகள்! வீடியோ காட்சிகள்! பேசுபவருக்குத் தெரியாமல் அவரது பேச்சைப் பதிவுசெய்து, வெளியிடுதல்! ஆட்சியில் உயர் பதவிகளில் இருப்பவர்களின் அந்தரங்களிலிருந்து . . . கிராமக் கோவில்களில் நடைபெறுகிற ''கரகாட்டம்'' வரை . . . அப்போது அப்போது பார்க்கலாம்! கேட்கலாம்! காலையில் எழுந்திருக்கும்போதே அலைபேசியோடு எழுந்திருந்து . . . இரவு படுக்கையில் கண் அசருகிற வரை அலைபேசியில் வீடியோக்கள்!

இன்று அலைபேசி இல்லாமல் . . . குழந்தைகள்கூட சாப்பிடமாட்டார்கள்! பிறந்த குழந்தைக்குத் தாலாட்டுகூட அலைபேசிகளில்! ''மிகப் பெரும் தொழிற்புரட்சி'' தமிழகத்தில்!

இதைத்தான் சாம்ஸ்கி ''இசைவுச் சந்தையை உற்பத்தி செய்தல்'' என்று கூறுகிறார்.

இந்த ''இசைவுச் சந்தைதான்'' ஆங்கிலத்திற்கும் ஆங்கில வழிக்கல்விக்கும் தமிழகத்தில் உருவாக்கப்பட்டுள்ளது!

இந்த ஒரு சூழலில் ''தமிழ்வழிக் கல்வியை'' எவ்வாறு கொண்டுவருவது? ''தாயைப் பழித்தாலும் எனது தமிழைப் பழித்தவனை விடமாட்டேன்'' ''உடல் மண்ணுக்கு, உயிர் தமிழுக்கு'' என்ற வசனங்கள் அரசியல் மேடைகளில் ''ஒலிக்கப்படுவது'' காதில் விழுந்தாலும் . . . . கல்வியில்மட்டும் தமிழை விடமாட்டோம் என்ற ஒரு மிகப் பெரிய ''தாய்மொழி உணர்வு'' . . . . ஆங்கிலவழிக்கல்விக்கான ''இசைவுச் சந்தை'' இங்கு உற்பத்திசெய்யப்பட்டுள்ளது!