7:50 AM
ந.தெய்வ சுந்தரம்
மனநோய்களுக்கு எதிரான தடுப்பாற்றல் ( mind immunology system)
------------------------------------------------------------------------------------------------------------------------------------------
இன்று உலகில் ... வளர்ச்சியடையாத நாடுகளில் மக்களுக்குத் தங்களது வாழ்க்கைச் சூழல் காரணமாக.... மன உளைச்சலே அதிகம் என்பதும் எனவே பன்னாட்டு ஏகபோக நிறுவனங்கள் எல்லாம்.. மன உளைச்சலைப் போக்குவதற்கான மருந்துகள் (Psychosomatic drugs) என்ற பெயரில் ஏராளமான மனநோய் மருந்துகளை ( anti-anxiety, anti-depression, anti-insomnia ) உருவாக்கி, அந்த நாடுகளுக்கு விற்றுக் கொள்ளைலாபம் அடித்துவருகிறார்கள் என்பதையே ஆய்வுகள் கூறுகின்றன. எனவே , மக்களிடையே பீதிகளையும் பயத்தையும் மன உளைச்சலையும் உருவாக்குவதே அந்த நிறுவனங்களின் சந்தைக்கான '''மூலதனம்'' என்பதை மக்கள் புரிந்துகொள்ளவேண்டும். அதை முறியடிக்கும் பணியை நாம் தொடர்ந்து மேற்கொள்ளவேண்டும். மக்களுடைய தடுமாற்றம் இல்லாத மன வலிமையே ... எதையும் எதிர்த்துநின்று வெற்றிபெறுவோம் என்ற நம்பிக்கையே அவர்களது வெற்றியைத் துரிதப்படுத்தும்!
மக்களின் மனவலிமையே ... தாங்கள் வாழ்கின்ற இயற்கை, சமுதாயம் ஆகியவற்றின் உள்ளார்ந்த இயக்க விதிகளைப் பற்றிய தெளிவே.... இன்றைய தேக்கநிலை நாளை தகர்க்கப்பட்டு, அடுத்த கட்ட வளர்ச்சிக்கான உயர்நிலைக்குச் செல்லும் என்ற ஆழமான , அறிவுபூர்வமான நம்பிக்கையே ... அவர்களது மனத்தைத் தாக்கும் மனநோய்களுக்கு எதிரான தடுப்பாற்றல் ( mind immunology system) ஆகும். தேவையற்ற பயம், பீதி , தளர்ச்சி, நம்பிக்கையின்மை போன்ற மனத்தைத் தாக்கும் நச்சுக் கிருமிகளை நெருங்கவிடக்கூடாது! பிறருக்குப் பரப்பவும் கூடாது! இந்த நச்சுக் கிருமிகள் கொரோனா வைரசைவிட மிகவும் ஆபத்தானவை!
0 கருத்துகள்:
கருத்துரையிடுக