கொரோனாத் தொற்று - நம்பிக்கை தரும் விவரங்கள்.

கொரோனாத் தொற்று ... நம்பிக்கை தரும் விவரங்கள்....
------------------------------------------------------------------------------------------------------------------------------------

கொரோனாத் தொற்றால் பாதிக்கப்பட்டவர்களில் குணமடைந்துவருபவர்கள் விகிதம்தான் அதிகமாகிக்கொண்டிருக்கிறது. அதாவது, கொரோனா வைரசை எதிர்த்து , மனிதரின் நோய்எதிர்ப்புத் திறன் (human body immune system) நன்றாகவே போராடி வெற்றிபெற்றுவருகிறது. இறந்தவர்களின் வயது, பிற நோய்களின் பாதிப்புகள் , மருத்துவ வசதி போதுமான அளவு கிடைக்காதது ஆகியவற்றைக் கணக்கில்கொண்டால், இறப்புக்கு ஆளாகியவர்கள் விகிதம் மிகக் குறைவாகவே காணப்படுகிறது.

எனவே, மக்கள் இன்றைய ஊடகங்களின், குறிப்பாகத் தொலைக்காட்சிகளின் பீதி கிளப்பும் பரபரப்புச் செய்திகளைப் புறம்தள்ளி, நம்பிக்கையுடன் ... ஆக்கபூர்வமான கொரோனா எதிர்ப்பு நடவடிக்கைகளில் ஈடுபடுவதே இன்றைய தேவை!

தடுப்பூசிக் கண்டுபிடிப்பும் , சமுதாயத்திற்குத் தேவையான தேவையான தூய்மைச்சூழல் , மருத்துவ வசதி, மக்களது நோய் எதிர்ப்புத் திறனை அதிகரிக்கத் தேவையான உணவு, நல்ல மனநிலை ஆகியவை அனைத்தும் முறையாக மக்களுக்குக் கிடைத்தால், கொரோனா என்ன வேறு எந்தவொரு நோய்க்கிருமிப் பாதிப்பும் உலகில் இருக்காது. அதற்கு என்ன தேவை என்பதை இன்றைய இளைஞர் சமுதாயம் சிந்திக்கவேண்டும்! இயற்கை அறிவியல், சமூக அறிவியல் இரண்டையும் இரண்டு கைகளில் ஏந்திப் போராடவேண்டும்! அவர்கள் கைகளில்தான் எதிர்கால உலகம் இருக்கிறது!

தமிழகத்தில் நல்ல முன்னேற்றமே கிடைத்துவருகிறது என்பது ஒரு முக்கியமான செய்தி! இன்னும் சற்று மக்கள் ஒத்துழைத்தால், தடுப்பூசியின் வரவுக்குமுன்னாலேயே ''மந்தை அல்லது சமூகத் தடுப்பாற்றலை (herd immunity) " பெருமளவுக்கு உருவாக்கவிடலாம்!
---------------------------------------------------------------------------------

உலக அளவில் ....
பாதிக்கப்பட்டுள்ளோர் ... 26,37,673
குணமடைந்தோர் .... 7,17,525 ..... 27 %
இறப்பு ..... 1,84,217 ....... 7%

-------------------------------------------------------------------------------------

இந்திய அளவில் ....
பாதிக்கப்பட்டுள்ளோர் ... 20,471
குணமடைந்தோர் ... 3,960 ... 19.3 %
இறப்பு .... 652 ... 3.18 %

-------------------------------------------------------------------------------------

தமிழ்நாடு அளவில் ....
பாதிக்கப்பட்டுள்ளோர் .... 1629
குணமடைந்தோர் .... 662 ... 40 %
இறப்பு .... 18 .....1.1 %