(1) 'உண்டு' (2) 'உண்டு' - சொல் பிரிப்பில் மயக்கம்.

 (1) 'உண்டு' (2) 'உண்டு' - சொல் பிரிப்பில் மயக்கம்.

------------------------------------------------------------------

1) உணவுவிடுதியில் பொங்கல் உண்டு, வீட்டுக்குத் திரும்பினேன்.

2) ஞாயிறுதோறும் உணவுவிடுதியில் காலையில் பொங்கல் உண்டு.

முதல் எடுத்துக்காட்டில் ' உண்டு' என்பதின் அடிச்சொல் அல்லது வேர்ச்சொல் 'உண்' ஆகும். இது 'உண் + ந்து' என்ற புதைவடிவத்தின் புறவடிவம். (எடுத்துக்காட்டு : உண் + ந்த் + ஆன் -> உண்டான்)

இரண்டாவது எடுத்துக்காட்டில் 'உண்டு' என்பது ' உள் + ந்து ' என்பதின் புறவடிவம். (எடுத்துக்காட்டு : ஆள் + ந்த் + ஆன் -> ஆண்டான்)

'ண்' 'ள்' இரண்டுக்குமே இனமான வல்லினம் 'ட்' ஆகும்.

தமிழ்ச்சொல்களைப் பிரிக்கும்போது நீடிக்கிற ஒழுங்கை விளக்குவதற்காக இந்தச் சொல்களை முன்வைக்கிறேன். அதாவது 'உண்டு' என்ற சொல்லுக்கு இரண்டு புதைவடிவங்கள் உள்ளன.

எனவே சொல்களைப் பிரிக்கும்போது அவற்றின் பொருண்மையை - பொருளை- புரிந்துகொண்டபின்னர்தான் சரியான பிரிப்பைப் பெறமுடியும். இதற்கு இங்கு 'உண்டு' வருகிற குறிப்பிட்ட தொடர் தேவைப்படுகிறது.

அதாவது சொல் பகுப்பிற்கே தொடரியல், பொருண்மையியல் தேவைப்படுகின்றன. இதுபற்றி நண்பர்கள் கருத்துக்கள் தேவை.